سروریم ، تاج سریم ، عز و فریم ، شانلی نگاریم

سروریم ، تاج سریم ، عز و فریم ، شانلی نگاریم
شرفیم، شان و وقاریم

ای حسین ای ایکی دنیاده بوتون ائل لره سرور
هامی عاشق لره رهبر
بزم عشق ایچره سنون تک هانی بیر مست قلندر
باشا چکسون دولی ساغر
نه بیلیم باده احمر

حشره تک باده ی عشقیندن ایچن کیمسه آییلماز
اولماسا مست قلندر آدی دنیایه یاییلماز
صف عشاقده عاشق لر آرا زبده ساییلماز
دئمیرم عاشق اولانماز
عاشق صادق اولانماز

سن او سرمست بلا سن سنه یوخ دهرده تالی
عشق میخانه سی عالمده اولوب سنله صفالی
ای سالان غلغله عالم لره مستانه خصالی
بیر ایچیمده ائله دون ساغری خالی
ای قویان واله و حیران هامی دنیانی کمالی
عشقیوین یوخدی زوالی

هانسی جاندان گئچن آخیر بو جهاندا سنه بنزر
هانسی بیر گلدی کی تک جانیله بیر گلشنه بنزر
پیکرینده یارالار سوسنه بنزر
هانسی گلشن سنه بنزر

اگمدون ظالمه باش دوزدی باشون نیزیه گئچدی
اوخ ، قلیج پیکریوی دوغرادی بیچدی
سولی اوخلار سو کیمی قانیوی ایچدی

سو کناریندا سوسوز قتله یتیشدون
( فرع) دن ( اصله) یتیشدون
عاقبت وصله یتیشدون

جانیوین قیدین آتار کن سوسوز آلقانیوه باتدون
باشیوی عرشه اوجاتدون
کعبه ی عشقیوه چاتدون
عشقی دنیاده یاراتدون
خلقی غفلت یوخوسندان چکوب نعره اویاتدون
ساحلین فکرینی آتدون
عشق دریاسنا باتدون

کیمدی بو کیمدی کی آفاقه سالیب عشق نواسین
یاییب آزادلیقین افلاکه صلاسین

بو جلال و بو شرفده بشر اولماز
بئله صاحب نظر اولماز

کیمدی بو کیمدی کی عالم لری عشقینده ائدوب مات
محو اولوب اهل سماوات
چاتا بیر کیمسه بونون عشقینه هیهات
بو او عاشق دی کی اوز عشقین ائدوب عالمه اثبات
کیمدی بو پیر خرابات
کی اولوب ، درگه حاجات

کیمدی اجلالینه تعظیم ائلیری گویده ملک لر
کیمدی اخلاصینه تکریم ائدوری شانلی فلک لر
بیلون ائل لر

بو اوسلطان معظم دی کی شاهلاردی، غلامی
عرش اعلادی مقامی
ماسوالله ین امامی

بو حسین بن علی دور شرف کون و مکاندی
علت خلقت افلاکیدی سلطان جهاندی
فاطمه اوغلی دی پیغمبره بو روح رواندی
بو جهان فر ض اولا پیکر بو همان پیکره جاندی
بو همان جان جهاندی
حکمی دنیایه رواندی

ابدی دور ، ازلی دور
خلقه دنیاده ولی دور
او سراج ابدیت دی کی انوار رخوندان
عالم عشق جلی دور
بو حسین ابن علی دور
بو حسین ابن علی دور
***
حاج مهدی رسولی
مطلع:

سروریم ، تاج سریم ، عز و فریم ، شانلی نگاریم

ذاکر:

حاج مهدی رسولی

سبک:

موضوع:

مناسبت:

شب چهارم

سال:

1399

100
100
شب چهارم
1399
حاج مهدی رسولی
شبکه های اجتماعی
اینستاگرام تلگرام

نوای هیئت بزرگترین بانک صوت و متن مداحلی کشور

نوای هیأت با استعانت از حضرات معصومین علیهم السلام و با الطاف بی‌کران پروردگار، از سال 87 با دغدغه‌ی شخصی و به صورت نرم‌افزار چندرسانه ای، تولید و عرضه شد و با استقبال خوبی از طرف ذاکرین اهلبیت روبرو شد. از آنجا که این محصول پاسخ گوی یکی از نیازهای اصلی یعنی پیاده سازی شعر و سبک است، همواره مورد پیگیری ایشان بوده است. از سال 94 با توجه به همه گیر شدن تلفن های همراه هوشمند، با حمایت مادی و معنوی سازمان فضای مجازی سراج در تأمین بخش اصلی هزینه‌ها و اختصاص زیرساخت فنّی، نرم افزار تلفن همراه نوای هیئت تولید و منتشر شد. یکی از نیازهای اصلی ذاکر دسترسی به اشعار و سبکهای مناسب و به روز است و غالباً اشعار و سبکهای ذاکرین شاخص مورد استفاده ی طیف عظیمی از ذاکرین کشور قرار می گیرد. نوای هیأت این نیاز را به شیوه ای جدید پاسخ گفته است. نوآوری صورت گرفته هم زمانیِ رؤیت متن و صوت مداحی‌هاست. آموزشی که در دل این نمایش هم زمان وجود دارد و تأملی که در شیوه ی اجرای ذاکرین شاخص خود به خود اتفاق می افتد، نرم افزار را بسیار کاربردی نموده است.